收過300萬賠償 無業遊民再謀奪九倉地 霸地種樹發大財

九龍倉集團於東涌囤積土地19年，最近東涌新市鎮擴展計劃展開，望有機會點地成金，怎料半途殺出一名「霸地王」陳尊，聲稱霸佔九倉共14幅地皮超過12年，去年底透過法援入稟高等法院，向九倉提出逆權侵佔訴訟。陳尊自認無業，靠霸地種樹掠政府收地的農作物賠償致富，他覷準政府在東涌收地發展，再謀霸地侵權食大茶飯。

現年60餘歲的陳尊，育有六名6至16歲子女，一家八口居於大嶼山逸東邨。他拿着92年至97年，政府收地發展東涌新市鎮，漁護署點算其農作物數目及賠償金額的評估紀錄，一臉得意。整叠紀錄厚如黃頁電話簿，記者看到數量由數百棵到三萬多棵不等，賠償額按果樹的種類、高矮、佔地面積，由每棵5呎高荔枝樹賠117元，到每棵2呎高龍眼樹賠27元不等，是名副其實的「搖錢樹」。

高峯期聘10名工人種樹

談到歷年獲賠償事迹，陳尊自豪地說，過去獲政府賠償農作物所霸佔的地超過1,000幅。「東涌周圍都有我種嘅樹，最大規模係我」。現時未發展的東涌新市鎮近郊，仍有他90年代種下的樹，而昔日霸佔的地皮，現已發展為他居住的逸東邨及富東邨。

陳尊不肯透露90年代共斬獲政府多少賠償金，東涌鄉事委員會主席張國光說，據知大約300萬元。陳尊非東涌原居民，自稱62年受聘入東涌耕田，眼見大量農地荒廢，不理會是否有業主就霸地開墾，最初養鴨，70年代種薑花，90年代種黃皮、龍眼及荔枝等粗生果樹，高峯期曾聘10名工人種樹霸地。記者追問種荔枝、龍眼收成的收益，陳多番迴避，最後承認根本沒有採摘出售，種樹目的只求霸地，圖據為己有，「我只係霸住地方，唔荒廢啲地」。

一名東涌鄉紳透露，陳尊會將政府已收地的果樹，移植到其他農地「循環再用」，包括種在九倉93年購入的牛凹村農地，靜待政府收地賠錢。張國光說當年政府的收地計劃，本來擴至牛凹村一帶，因村民以風水理由反對才停止。

東涌97年尾停收地，陳尊轉戰元朗，98年九鐵收地興建西鐵，他與友人合霸33.7萬平方呎私人農地種樹，他說預計可獲賠償逾300萬元，怎知九鐵只賠償20多萬元農作物特惠金，當時他求助工聯會開記者會控訴九鐵欺壓，又入稟土地審裁處追討更高賠償，結果敗訴。

「地政有晒我東涌歷史」

在西鐵收地賠償一役，陳尊打錯算盤欠下周身債，蟄伏多年，終等到政府要擴展東涌新市鎮，隨時令他大翻身，因為他在96年前霸佔九倉及另一公司Coral Ching Ltd的地，列入擬擴展範圍。由於霸地已逾12年，他不甘只獲農作物賠償，要逆權侵佔做地主，正排期上庭挑戰九倉，他不願透露佔地面積。「地政有晒我東涌（霸地）歷史，當時我搵填泥公司填高（九倉）啲地種樹，有高空圖相，有填泥公司老闆做證，我知道勝算」。

根據《時效條例》，私人物業或土地的侵佔人，如果能證明陳尊已連續侵佔12年，便可能獲土地業權，能否成功視乎案情而定。最廣為人知的案例，是大埔農婦黃艷娣及女兒陳淑賢，逆權侵佔恒基12萬呎地20年，與恒基打了13年官司，06年獲判勝訴。

曾侵佔劉皇發東涌農地

陳尊霸地種果樹搵食多年，只被兩名地主發現，一名是姓羅鄉紳，已離世；另一人是「新界王」劉皇發。陳尊說劉皇發發現他霸了數塊東涌農地，現已歸還。發叔回覆查詢時說，不知道陳尊霸佔他在東涌及元朗的地，直至政府及九鐵收地，才得知自己的地被陳尊侵佔種樹，「呢個陳尊好麻煩，政府、發展商準備發展地皮，會一早出藍圖，佢走法律罅去霸嚟搵食」。

九倉93年以9993萬元購入50幅農地，散佈鄰近東涌河的石門甲、石榴埔及牛凹村一帶，由旗下的Forestside Ltd持有。

已策動另一侵權計劃

陳尊去年12月入稟法庭提出逆權侵佔訴訟，九倉旗下的夏利文物業管理公司才把已長滿野草與果樹的農地以鐵絲網圍封，插上私人地方告示牌。九倉表示逆權侵佔案已進入法律程序，不便評論。

另一東涌大地主Coral Ching Ltd，股東之一EQ Enterprises Ltd是一間信託公司，負責人黃志偉說自己只是代管人，真正地主身份不便透露。他表示得知九倉被陳尊入稟逆權侵佔，開始擔心地上非業主種的大量果樹，會被人借機侵權，近月開始圍封土地。陳尊說有霸佔Coral Ching Ltd的地，但要待律師搜集資料才知實際霸地範圍，陳坦言稍後便會向Coral Ching Ltd埋手。

炒賣10蚊流通膠鈔無本生利

最近睇到報導，話原來內地近期興起以港幣10蚊膠鈔製成套裝送禮。受龐大內地需求刺激，位於旺角既錢幣郵票的買賣集中地好旺角購物中心，自去年起，場內商舖既報價表上面，多左一項香港膠鈔，專收全新、無摺痕，以及10張或以上順號碼既港幣10蚊膠鈔，每張回收價高達12-13蚊，較原本面值高出2-3成。


要無本生利好簡單，只要去銀行將你既存款全數以10蚊膠鈔現金提出，番屋企睇睇有咩靚number既，攞去旺角，你既身家瞬間升值2成。號碼唔靚既，全數入番銀行即可。除非你咁黑係銀行提款之後俾人打劫，否則完全絕對有賺無蝕，無本生利，每日反覆進行，相信必可搵到唔少。

從 Google AdSense 屈錢

講起積少成多，大家唔知道有無用過Google Adsense既自動轉賬收錢？香港係Google其中一個可以用自動轉賬收錢既地方。如果曾經用過既，都可能記得，當你登記一個新既銀行戶口既時候，Google為左核實戶口資料是否正確，會存入一個好細既銀碼入個戶口度，大概有5蚊左右(港幣)。亦即係話，每次你登記一個新既銀行戶口，你就可以勁賺$5，雖然的確好少，但都只不過係花費1分鐘左右求其撳幾下，咁就撳到錢，都算係咁啦！

買保險也賺錢

尋日講到交稅賺錢，令我唸起早幾年，有個朋友個朋友，係Manulife做保險sales，佢遊說我買份人壽保單，要先俾保費2萬幾銀，可以用credit card俾。當時為俾面朋友，真係唸住買既，就用信用卡俾左錢，但係番到屋企又覺得好似無咩需要，好在，香港規定保險必須有21日冷靜期，只要21日內寫信退保，可以全數攞番錢。當時好型，二話不說寫信去退保，無幾耐，收到Manulife退款，你應該估到，無錯，退款係用支票退的！既然唔係入番落credit card，當然亦唔會影響我經已袋左落袋既信用卡1%現金回贈啦！

唸唸下，成日有人打電話黎sell保險，行行下街都會有d保險sales走埋黎叫你買，下次都係唔好咁絕即刻cut人線啦，一於俾卡，買左先算。退保之後，如果d錢係退番入信用卡度，咁都無損失既，但如果係支票退呢，哈，2萬既1%係$200，唔啱買份20萬既，積少成多呀！

交稅也賺錢

早幾個月到期要交上年既稅,我一時笨實，在網上銀行用信用卡bill payment，撳完一次之後以為仲未撳，轉個頭又撳多次,結果交多左一倍稅，發現後原本覺得自己on9非常，無可饒恕，但之後竟然發現此一笨實行為帶來無意既收獲。

話說我發現後，即刻上稅局個網了解點樣退番錢，上面話多繳既稅款會自動以支票形式退回立稅人府上，無需申請。我又打電話去稅局求證，確定的確如此。幾星期後，果真收到稅局既退款支票。


咁有乜叉野著數？留意稅局退錢係退支票而唔係退番入張信用卡度，所以係唔會影響銀行已經送左俾你既積分或回贈。用信用卡交稅，銀行好多時會推出各類額外積分或回贈優惠。舉例你有現金回贈1%，咁如果你原本要交1萬蚊稅，你一個唔小心撳多左個零，交左10萬蚊，交多左既9萬會好快會支票退番俾你，而呢9萬蚊信用卡數，銀行送俾你既1%即900蚊現金回贈，你則已經袋袋平安了，你話正不正乎？假如你唔止撳多個零咁簡單，而係將個1字亦撳錯做個4字，加埋後面個零，你既回贈都可能夠買部新電話架。