炒賣10蚊流通膠鈔無本生利

最近睇到報導，話原來內地近期興起以港幣10蚊膠鈔製成套裝送禮。受龐大內地需求刺激，位於旺角既錢幣郵票的買賣集中地好旺角購物中心，自去年起，場內商舖既報價表上面，多左一項香港膠鈔，專收全新、無摺痕，以及10張或以上順號碼既港幣10蚊膠鈔，每張回收價高達12-13蚊，較原本面值高出2-3成。


要無本生利好簡單，只要去銀行將你既存款全數以10蚊膠鈔現金提出，番屋企睇睇有咩靚number既，攞去旺角，你既身家瞬間升值2成。號碼唔靚既，全數入番銀行即可。除非你咁黑係銀行提款之後俾人打劫，否則完全絕對有賺無蝕，無本生利，每日反覆進行，相信必可搵到唔少。

股息尋寶

著名投資大師彼得林治 (Peter Lynch) 曾經說過，股票的派息對股票投資而言是一項極為重要的因素，重要到如果你只買一些在過往每年都會增加每股派息的股票，那麼你的股票投資幾乎必定會有十分可觀的回報 (雖然這不是彼得林治最喜歡的股票類別，因為他更喜歡投資於高增長而非高派息的股票)。

好了，那麼在香港，有那些股票是每年都會增加派息的呢？我翻查了記錄，以下是恒生指數成分股(藍籌股)中過往5年都增加派息或未曾減少派息的股票：

股票	現時股價 (港幣)	全年每股派息 (港幣)
		上年度	2年前	3年前	4年前	5年前
1 長江實業	94.60	3.160	2.950	2.700	2.450	2.450
2 中電控股	65.75	2.520	2.480	2.480	2.480	2.480
3 中華煤氣	16.42	0.477	0.289	0.263	0.263	0.239
4 九倉	42.55	1.060	0.989	0.970	0.776	0.762
6 電能實業	58.10	2.320	2.110	2.110	2.110	2.010
13 和記黃埔	66.50	2.080	1.920	1.730	1.730	1.730
16 新鴻基	91.15	3.350	2.700	2.500	2.500	2.300
66 港鐵	26.45	0.760	0.590	0.520	0.480	0.450
83 信和置業	11.62	0.409	0.364	0.364	0.364	0.350
688 中國海外	17.98	0.330	0.270	0.200	0.129	0.119
700 騰訊	226.00	0.750	0.550	0.400	0.350	0.160
883 中海油	15.40	0.530	0.460	0.400	0.400	0.300
939 建設銀行	5.29	0.290	0.255	0.224	0.214	0.211
941 中國移動	84.75	3.327	3.014	2.804	2.743	2.098
1044 恒安	74.95	1.350	1.300	1.100	0.720	0.600
1398 工商銀行	4.29	0.251	0.221	0.190	0.184	0.139
3988 中國銀行	2.94	0.191	0.172	0.153	0.142	0.102

從 Google AdSense 屈錢

講起積少成多，大家唔知道有無用過Google Adsense既自動轉賬收錢？香港係Google其中一個可以用自動轉賬收錢既地方。如果曾經用過既，都可能記得，當你登記一個新既銀行戶口既時候，Google為左核實戶口資料是否正確，會存入一個好細既銀碼入個戶口度，大概有5蚊左右(港幣)。亦即係話，每次你登記一個新既銀行戶口，你就可以勁賺$5，雖然的確好少，但都只不過係花費1分鐘左右求其撳幾下，咁就撳到錢，都算係咁啦！

買保險也賺錢

尋日講到交稅賺錢，令我唸起早幾年，有個朋友個朋友，係Manulife做保險sales，佢遊說我買份人壽保單，要先俾保費2萬幾銀，可以用credit card俾。當時為俾面朋友，真係唸住買既，就用信用卡俾左錢，但係番到屋企又覺得好似無咩需要，好在，香港規定保險必須有21日冷靜期，只要21日內寫信退保，可以全數攞番錢。當時好型，二話不說寫信去退保，無幾耐，收到Manulife退款，你應該估到，無錯，退款係用支票退的！既然唔係入番落credit card，當然亦唔會影響我經已袋左落袋既信用卡1%現金回贈啦！

唸唸下，成日有人打電話黎sell保險，行行下街都會有d保險sales走埋黎叫你買，下次都係唔好咁絕即刻cut人線啦，一於俾卡，買左先算。退保之後，如果d錢係退番入信用卡度，咁都無損失既，但如果係支票退呢，哈，2萬既1%係$200，唔啱買份20萬既，積少成多呀！

交稅也賺錢

早幾個月到期要交上年既稅,我一時笨實，在網上銀行用信用卡bill payment，撳完一次之後以為仲未撳，轉個頭又撳多次,結果交多左一倍稅，發現後原本覺得自己on9非常，無可饒恕，但之後竟然發現此一笨實行為帶來無意既收獲。

話說我發現後，即刻上稅局個網了解點樣退番錢，上面話多繳既稅款會自動以支票形式退回立稅人府上，無需申請。我又打電話去稅局求證，確定的確如此。幾星期後，果真收到稅局既退款支票。


咁有乜叉野著數？留意稅局退錢係退支票而唔係退番入張信用卡度，所以係唔會影響銀行已經送左俾你既積分或回贈。用信用卡交稅，銀行好多時會推出各類額外積分或回贈優惠。舉例你有現金回贈1%，咁如果你原本要交1萬蚊稅，你一個唔小心撳多左個零，交左10萬蚊，交多左既9萬會好快會支票退番俾你，而呢9萬蚊信用卡數，銀行送俾你既1%即900蚊現金回贈，你則已經袋袋平安了，你話正不正乎？假如你唔止撳多個零咁簡單，而係將個1字亦撳錯做個4字，加埋後面個零，你既回贈都可能夠買部新電話架。

抽 iBond

抽 iBond 基本上是無風險的必賺投資，有財經人士估計，第一日的升幅可達5%，以上年度最高抽中44手計算，單日回報是港幣2萬2千元正，由俾錢申請到賣出收錢只需約一星期左右，銀行及券商亦推出各項減免，回報相當吸引。當然，問題是今年的中簽率是多少。

住千萬樓 撩坑渠銀 碎股王曝光

投資界流傳着一個供股阿伯的傳說：這個阿伯識字不多，亦無家底，但憑着一個完全合法、低成本及零風險的供碎股方法，身家已有數千萬元。本刊上週找到這位供股阿伯；他叫楊漢生，今年已八十歲。楊伯做五金出身，二十多年前才學人投資，從中參透了中央過戶處機制的漏洞，藉製作大量地址優先供股，密密賺錢。記者多日所見，常有街坊師奶向他請教心得，是城中供股黨的核心成員。不過，楊伯雖坐擁市值一千六百萬元的中半山豪宅物業，但日常竟然愛在街邊坑渠挖銀仔，又慣性留意公共電話亭有否硬幣留低，不脫其供股佬「計到盡」的本色，「賺得一蚊得一蚊」！

楊伯頭髮染得烏黑，而且步履輕盈，看上去完全不似一個八十歲的老人家。上週六早上，楊伯八點半從家中出發，精神奕奕地挽着一個黑色環保袋搭巴士到金鐘。之後步行到金鐘廊、大會堂附近的停車場、及郵政總局等，似不斷地兜路，楊伯最後慢慢行到機場快綫香港站附近徘徊，途中楊伯見到電話亭，必定伸手入內摸一摸，原來，他要看看有否零錢留下。 而楊伯路過巴士站、路口位，總會低頭留意坑渠蓋，起初記者不以為然，以為是老人家的小動作，直至楊伯到了香港站對出的車輛上落客位，突然於兩輛正停泊的的士之間停下；記者才赫然發現，楊伯低頭觀察坑渠良久後，竟在環保袋中陶出一支「不求人」，彎身伸到坑渠內，似乎是在撿拾坑內的零錢。從楊伯帶備不求人，到撿拾的連串流暢動作，可以肯定他並非即興，而是習慣。

鑽研供股漏洞

記者一連幾天，發現楊伯不是到不同的銀行入數打簿，就是在朋友開設的證券行㩒股票機打躉。而每到上市公司供股要進行股東登記，必見他如郵差般、手持一大包股票，現身位於金鐘的卓佳過戶處或灣仔的中央過戶處，職員都見慣見熟，稱呼他「阿楊」。記者趨前向楊伯詢問其投資心得，楊伯顯得非常友善，但對於自己賺多少及供碎股竅門，他則很避忌：「唔係賺好多o架咋，以前多啲，而家好多人識玩！」他還大呻賺得辛苦：「供股一次要搞一頭半個月，要朝九晚九咁埋頭『切碎股份』，都好辛苦o架！」

楊伯透露，年輕時從事五金行業，後來還在九龍區開了一間五金鋪，到二十多年前五金業式微，沒事幹的楊伯跟朋友學投資股票，並鑽研出一套秘方。楊伯的供股致富玩法，是睇穿上市公司的「碎股額外供股可獲優先處理」機制。上市公司為方便持碎股的股東在市場買賣，會額外派發他們足一手的股份。假設該上市公司以二千股為一手，股東戶口登記只有一股碎股，那上市公司便會以供股價（一般較最後收市價有大幅折讓），派發一千九百九十九股，讓股東湊足一手。

黨員互借地址

若一個個體只能登記一個戶口，楊伯就不會如此發達！原來過戶處有登記漏洞，同一股東名字配搭不同的登記地址，會被視為不同戶口而並非只是一個戶口。楊伯等人便先將大批股份分拆為碎股，再到過戶處組合地址，製作大量持碎股的戶口，藉以賺大錢。記者到過戶處翻查楊伯的供股記錄，發現楊伯製作戶口的創意一絕，所報地址五花八門。他與家人現住西半山般咸道七十八號豪宅寧養台低層A單位。這個地址被「分拆」為「A01號」、「A02號」等不同單位，藉以製作多個戶口。他還與其他碎股黨黨員分享地址，而楊伯的團隊所報地址較其他碎股佬更「富貴」，當中有凱旋門朝日閣高層單位，中半山柏道豫苑，及般咸道嘉威花園等。楊伯指，他們都是共享地址的「碎股黨員」，有街外錢齊齊搵：「其實大家都係喺過戶處識之嘛，見多幾次，認得啦，咪問吓可唔可以借地址，互相幫忙！」

成本三十賺九千

小數怕長計，這一個兩個地址，帶來的財富威力無窮。以去年十二月、楊伯曾供股的財險（2328）為例，他與家人在過戶處共申報有七十七個戶口，每個戶口的經紀佣金、印花稅等「製作費」不到三十元，但財險供股價五元五角，較停牌前收市價十元四角折讓達四成七，計算每個戶口可賺近九千八百元！亦即扣除楊伯「密密拆」的成本二千三元，便變出七十五萬四千多元來！有行內人士稱：「單係呢一隻財險，就令好多碎股佬賺過百萬元！」玩足二十年，行內估計已賺過千萬的楊伯，估計總成本不到十萬，但楊伯為人知慳識儉，還會親自到過戶處辦理手續，慳回經紀佣金。由於股票完成供股後首日，股價有機會下跌，碎股佬會找相熟經紀行幫忙，提前兩日沽貨，「股票交收需時兩日（T+2），提前兩日沽，這樣貨到手時其實啲股票已沽咗出去，鎖住利潤。」一名行內人士說。記者見楊伯經常去朋友開設的致富證券，聯誼吹水。

抽新股一樣發

楊伯為人熱心，這套方法已教曉不少同住寧養臺的街坊及親朋戚友，記者上週五亦見他在灣仔的大快活快餐店，教一名中年師奶供股。師奶與楊伯傾了個多小時，時而用紙筆記下楊伯所講的資料，時而詢問楊伯：「咁即係我有三千股，佢會配晒俾我﹖」到尾聲師奶忍不住拉高了嗓子：「嘩，如果拍到呢班人一齊玩咪發達！」

對於向人教路，楊伯笑說：「無所謂啦，有人問咪教吓！」又謙稱：「啲人誇大我賺幾多啫，供碎股呢招發達就唔得，養妻活兒都可以嘅！」供股黨通常連新股都玩，一名供股黨成員解釋：「早幾年抽新股，當局完全唔抽查身份證登記號碼，於是大家用供碎股同一招，狂開戶口，每個戶口申請一手。因為根據機制，申請一手的中籤率達百分百；新股潮時隻隻都升，真係賺到笑！」那時賺的絕非養妻活兒咁簡單。楊伯坦言早年賺得多，但近年很多人識玩，尤其大股東想大額供股，削弱他們這些碎股佬可獲額外分配的份額。「而且唔係隻隻中，有啲公司前景好，好多股東肯跟足供股，有額外股份派到俾我哋嘅機會就細咗。」楊伯又指，一些三、四線的垃圾股，供股期間已股價大冧，他們為怕有風險少掂為妙。「咁莊友堅（股壇玩家）嘅係咪一定唔得？又唔係嘅，要睇囉！」楊伯說。

蝕錢最肉緊

有的股份則供股截數日奇短，根本趕不及拆股，例如新近供股的聯邦制藥（3933），由宣布供股到截止只有五個工作天，楊伯在宣布後五日，於過戶處登記有六個、每個持二千股的戶口，已來不及拆細。他說：「而家啲股票截得好快，根本好難咁快拆到出來！」據知完成整個拆股程序，需要起碼三至六個工作天，所以部分碎股佬會持有大部分上市公司的碎股，他們稱為「留種」，以便日後可以即時申請供股。有的供股佬，與過戶處職員相熟，早一步知道分配結果，以便提早沽貨。

訪問過程中，楊伯不斷大呻信德集團（242）累他蝕錢。事緣信德於今年一月供股，供股價較最後收市價折讓三成半，按此每個戶口可賺二千二百元。楊伯與家人及其他相識的供股黨成員共拆了近四百個戶口，準備用萬多元「製作費」，食八十八萬元的「大茶飯」。豈料信德發現過戶處登記的戶口，竟由不足千五個增至一萬三千個。信德董事總經理何超瓊與四太梁安琪曾有股權紛爭，故對異動分外緊張，最後信德運用酌情權，每戶平均獲發百分之一點八五，令楊伯要蝕錢：「搞到好麻煩呀，個個要蝕錢呀！我蝕幾多？一千幾百蚊呀！」對這些濕碎數目，楊伯很肉緊。他現住在八六年以一百五十萬元一手購入的西半山寧養臺，現市值約一千六百萬元，並無其他物業。除了執電話亭及撩坑渠內銀仔，平時楊伯會搭巴士出入，坐在大快活瞓覺及在Pacific Coffee歎數小時免費上網，道出了楊伯「每一蚊皆辛苦」的道理。

過戶處草率

在本港上市的公司，要在香港委任一間私人公司作股份過戶及登記（簡稱「過戶處」），以備存股東登記名冊。此外過戶處還會代上市公司處理派發股息、紅股，以及代表上市公司處理股東查詢等。現時本地過戶處的業務已由「卓佳」與「中央證券」兩大集團瓜分。根據港交所的資料，全港十八間過戶處，其中七間為卓佳旗下；卓佳為東亞銀行集團成員。而持有中央證券、有澳資背景的Computershare Ltd，全球有業務，九四年在澳洲上市，現市值近四百億港元；由於中央證券包攬本地多隻重磅股份，如滙控（005）、長實（001）等，故較為大眾所認識。

雖然過戶處的角色是上市公司與小股東之間的橋樑，不過，上市公司才是付錢的「老闆」。記者以小市民身份到到過戶處查閱股東名冊，查閱一隻股份象徵式收一元，但這些本應公開給公眾的資料，每次只限睇兩小時，而且只准筆錄，不可影相。過戶處掌握大量股民資料，如姓名、地址、持股數量等，但卻處理草率。除了有供碎股漏洞，記者在過戶處電腦發現股東登記持有股份的日期出錯，職員只說：「嗰啲我哋唔理嘅，你睇番股東登記股數就得。」記者在證監會的網頁上發現，寫明「過戶處並不受證監會直接監管」；而過戶處亦無牌照，不須發牌。證監會職員說：「過戶處的性質就如服務提供者，地產代理都話有涉及物業買賣，但過戶處乜都無，所以唔使發牌。」